၁၃၇၄ ခု၊ ပြာသိုလပြည့်နေ့ ၂၆ရက် ဇန်န၀ါရီလ ၂၀၁၃
အမေ့ ကျေးဇူး အောက်မေ့ကျေးဇူးသိရန် နှင့် မြန်မာစာပေကို မြန်မာလူမျိုးများ တန်ဘိုးထား ရေးသား မြှင့်တင်ကြရန် ရည်ရွယ်ကျင်းပခဲ့သည်ဟု စပယ်ဦး ပညာဒါနကျောင်းဆရာတော် ဦးတိလောက က မိန့်ကြားပြောဆိုသည်။
အခမ်းအနားသို့ အမေနေ့ အထိမ်းအမှတ် ကဗျာ၊ စာစီစာကုံး ပြိုင်ပွဲဝင်ကျောင်းသားကျောင်းသူများ၊ ဆရာဆရာမများ၊ မင်းဘူး - စကုမြို့နယ် စာရေးဆရာများအသင်း၊ ကဗျာ စာပေ ၀ါသနာရှင်များ နှင့် ဖိတ်ကြားထားသူများ (၈၀)ဦးခန့် တက်ရောက်ခဲ့ကြသည်။
အခမ်းအနားကို အနန္တော အနန္တ ငါးပါး၏ ဂုဏ်ကျေးဇူးကို အောက်မေ့ရည်းမှန်းခြင်းဖြင့် စတင်ခဲ့သည်။ ဆရာတော် ဦးတိလောက က အမေ့နေ့ ကျင်းပရခြင်း၏ရည်ရွယ်ချက်၊ ရည်မှန်းချက်များ ကို ပြောကြားခဲ့ပြီးနောက် ဦးသန်းထွန်း(အောင်သန်းစိုး - ပညာရေး) နှင့် ဦးအေးကြည်စိန် တို့မှ အမေ့နေ့ အထိမ်းအမှတ် အမေ့ကျေးဇူးတို့ကို ဟောပြောခဲ့ကြသည်။
ကျောင်းသူ တစ်ဦးမှလည်း အမေ့ကျေးဇူးကို ဖော်ကျူးသော သီချင်းကို ဂုဏ်ပြုသီဆိုခဲ့သည်။
ထို့နောက် အမေနေ့ အထိမ်းအမှတ် ကဗျာ၊ စာစီစာကုံး ဆုရကျောင်းသားများအား ဆုချီးမြှင့်ခဲ့ကြသည်။ ဆရာတော် ဦးတိလောက က လာမည့် တပေါင်းလပြည့်နေ့ တွင် လည်း အဖေနေ့ အထိမ်းအမှတ် အခမ်း အနားကျင်းပမည်ဖြစ်ကြောင်း ပြောကြားကာ အမေနေ့ အထိမ်းအမှတ်အခမ်းအနားကို အောင်မြင်စွာ ကျင်းပခဲ့သည်။
အမေနေ့ အမှတ်တရ စကားများ
No comments:
Post a Comment