 |
| စကု-မင်းဘူးကားလမ်း၊ ကောင်းမွန်ဆောက်လုပ်ရေးကုမ္ပဏီ လမ်းတံတားကောက်ခံရေးဂိတ်တွင်ယာဉ်ကြောပိတ်ဆို့မှုဖြစ်ပွားပုံ |
 |
| စကု-မင်းဘူးကားလမ်း၊ ကောင်းမွန်ဆောက်လုပ်ရေးကုမ္ပဏီ လမ်းတံတားကောက်ခံရေးဂိတ်တွင်ယာဉ်ကြောပိတ်ဆို့မှုဖြစ်ပွားပုံ |
02 December 2012
သုံးဘီးဆိုင်ယာဉ်များ နှင့် ကောင်းမွန်ကုမ္ပဏီတို့ ပဋိပက္ခဖြစ်ပွား
၁-၁၂-၂၀၁၂(စနေနေ့)တွင် မင်းဘူးမြို့နှင့် စကုမြို့ကြားကားလမ်းတွင် ကောင်းမွန်ဆောက်လုပ်ရေးကုမ္ပဏီ လမ်းတံတားကောက်ခံရေးဂိတ်၌ နံနက်(၉း၃၀)ခန့်တွင် အချိန်တနိုင်တပိုင်သယ်ယူလုပ်ကိုင်နေသော သုံးဘီးဆိုင်ကယ်ယာဉ် တို့အား တန်ပိုကတ္တားချိန်ခိုင်းရာမှ ပဋိပက္ခဖြစ်ပွားခဲ့သည်။ ယခင်က သုံးဘီး ဆိုင်ကယ်ယာဉ်များသည် တနိုင်တပိုင်ပစ္စည်းများကို လွတ်လပ်စွာသယ်ယူနိုင်ခဲ့ကြရာမှ ယနေ့နံနက်တွင်မှ သုံးဘီးဆိုင်ကယ်ယာဉ် များကို တန်ပိုကတ္တားချိန်ရမည်ဟုဆိုရာ သုံးဘီးဆိုင်ကယ်ယာဉ်များမှ ပေးဆောင်နိုင်ခြင်းမရှိသဖြင့် ယာဉ်(၂၀)စီးခန့် ထွက်ခွာနိုင်ခြင်းမရှိဘဲ နံနက်(၉း၃၀)မှ (၁၁း၀၀)နာရီခန့်အထိ ယာဉ်ကြောပိတ်ဆို့နေခဲ့သည်။
မင်းဘူးခရိုင်အထွေထွေအုပ်ချုပ်ရေးဦးစီးဌာနနှင့် ဆောက်လုပ်ရေးဝန်ကြီး ဌာနမှ လမ်းတံတားအင်ဂျင် နီယာတို့ လာရောက်ကာ နှစ်ဖက်ညှိနှိုင်း ဆောင်ရွက်ပေးခဲ့ရာ ကောင်းမွန် ကုမ္ပဏီမှ လိုက်လျောပေး၍ ယာဉ်များထွက်ခွာနိုင်ခဲ့သည်။ ကောင်းမွန်ဆောက်လုပ်ရေးကုမ္ပဏီသည် မင်းဘူး-တညောင် လမ်းပိုင်း အတွက် B.O.T စနစ်ဖြင့် လုပ်ပိုင်ခွင့်ရရှိထားရာ မင်းဘူး-စကု-ပွင့်ဖြူ-စလင်း လမ်းပိုင်းများတွင် လမ်းတံတားကြေးများကောက်ခံရာတွင် မြစ်အရှေ့ဘက်ကမ်း လမ်းပိုင်းများတွင် ကောက်ခံမှုများထက် ပိုမိုပေးဆောင်နေရကြောင်း ခရီးသွားယာဉ်ပိုင်ရှင်များက ပြောဆိုနေကြသည်။
Subscribe to:
Post Comments (Atom)
No comments:
Post a Comment