အမှတ်တရ သန်းမြင့်အောင်

အမှတ်တရ သန်းမြင့်အောင်

ပန်းချီသန်းမြင့်အောင်၏ပန်းချီလက်ရာ

သူ့အကြောင်းတွေးမိတော့ ဘုရားမှာ တစ်ခါဆုံတယ်ဆိုသော သီချင်းဟောင်းလေးတစ်ပုဒ်ကို ပြန်ပြီး သတိရသည်။ မနှစ်က ရွှေစက်တော် ဘုရားပွဲတော်မှာ သူနှင့်တစ်ခါဆုံခဲ့သည်။ ဦးစန္ဒိမ(စလင်း)က မိမိနှင့် စကုဆွေသစ်ကို သူနှင့် ပွဲတော်လက်ဖက်ရည် ဆိုင်မှာ မိတ်ဆက်ပေးခဲ့သည်။ သူ့မိတ်ဆွေ ပန်းချီလှထွဏ်းအောင်လည်း ပါသည်။ သူ့စာတွေကို ဖတ်ဖူးထား သဖြင့် စကားပြောရသည်မှာ အဆင်ပြေသည်။ စာရေးဆရာ အချို့နှင့် ကြားလူက မိတ်ဆက်ပေးသော်လည်း သူ့စာကို ကိုယ်ကမဖတ်ဖူးလျှင် စကားပြောရသည်မှာ သွေ့ခြောက် ခြောက်နိုင်လှသည်။ အားနာစရာ လည်းကောင်းသည်။ သူနှင့်ကျတော့ ဤသို့မဟုတ်။ စိုစိုပြည်ပြည်ရှိသည် ဟုဆိုရမည်။ သန်းမြင့်အောင်က မိမိတို့ကို သူ့တစ်ကိုယ်တော်ပန်းချီပြပွဲက လက်ကမ်းစာစောင် လက်ဆောင်ပေးသည်။ ၂ဝ၁ဝ ခုနှစ် ဇန်နဝါရီ ၂၃ ရက်နေ့ မှ ဖေဖော်ဝါရီ ၂ဝ ရက်နေ့အထိ New Treasure Art Gallery တွင် ပြသခဲ့သည့် ရခိုင်သို့ ကွင်းဆင်းရေးဆွဲခဲ့သော ပန်းချီကားများ ဖြစ်သည်။ ရေးဖော်ရေးဖက် ဒေသခံ ပန်းချီဆရာများနှင့်အတူ ကွင်းဆင်းရေးဆွဲခဲ့သည့် (ရက္ခပူရ ဆောင်းရက်များ)ဆောင်းပါးဖြင့် သီးခြားရေးသား ခဲ့သေးသည်။ ရက္ခပူရခရီးစဉ်တွင် 'အေးချမ်းတဲ့နေရာ'၊' လက်ဆည်ကန်ကုန်းအတက်'၊ 'ကိုးသောင်းပုထိုးတော်ကြီး' အမည်ပေးထားသည့် ရေဆေးပန်းချီကားများ ရေးဆွဲခဲ့သည်။ ပန်းချီနှင့်ပတ်သက်၍ သူ့လက် ဦးဆရာမှာ ဆရာဦးအောင်မောင်း ဖြစ်သည်။ မိသားစုစီးပွားရေးယိုင်နဲ့စဉ်က အစားကျွေးကာ အားပေးခဲ့သူဖြစ်သည်။ ဆရာဦးအောင်မောင်း၏ ပါရမီ ဖြည့်ဖက်ဆရာမ ဒေါ်ခင်စီကလည်း သဘောထားကြီးစွာ သားရင်းပမာ စောင့်ရှောက်ခဲ့သည်။ လူ့လောကသို့ ပန်းချီပညာဖြင့် ခြေချရဲအောင် သင်ကြားပေးခဲ့သူ ဖြစ်သည်။ ပန်းချီပညာ သာမက ဘဝနေနည်းပညာ သို့မဟုတ် စိတ်ကိုလည်း သင်ပေးခဲ့သူဖြစ်သည်။ စည်းကမ်းစနစ်ကျသော ဆရာနှင့် အနီးကပ် အနေကြာလာသည့်အခါ ဆရာ့ထံမှကောင်းသော အလေ့အကျင့်များ ကူးစက်ပျံ့နှံ့ခဲ့သည်။ သူ့ဆရာနှင့်ပတ်သက်၍ ''ဆရာသည် ကျွန်တော့်ဘဝ၏ စံပြ ဖြစ်ခဲ့ပါ၏။ ဘခင်တစ်ယောက်လို ချစ်ကြောက်ရိုသေပြီး အားကိုးရသူ တစ်ယောက်ဖြစ်ခဲ့ပါ၏။ ဆရာ့ဘဝ ဖြစ်စဉ်များကို အနီးကပ်သိမြင့်ခဲ့ရပါ၏။ ဆရာ့ထံမှရသပန်းချီနှင့် စီးပွားရေး ပန်းချီပညာရပ်များ အပြင်လူကြီး လူကောင်းတစ်ယောက်၏ ကျင့်ကြံနေထိုင်ပုံများကိုပါ ကျွန်တော်ရခဲ့ပါ၏။ ထိုအချိန်မှစပြီး ကျွန်တော်သည် ရုပ်သက်ထက်၊ စိတ်သက်ကြီးသူ တစ်ယောက်ဖြစ်ခဲ့ပါ၏''ဟု မှတ်မှတ် သားသားရေးသားခဲ့သည်။ သန်းမြင့်အောင်၏ အောင်မြင်မှုများတွင် ဆရာ့ ကျေးဇူးသိတတ်မှုသည် အဓိက အခန်းမှ ပါဝင်နေပေသည်။ ကိုသီအောင်အမည်ဖြင့် ရေးသော သူ့ဆောင်းပါးတွေကို ဈေးကွက်မှာ ဂရုတစိုက်ဖတ်ဖြစ်သည်။ ကိုယ်ကိုယ်တိုင်က ပန်းချီဖြစ်ဖြစ်မြောက်မြောက် မဆွဲတတ်သော်လည်း ပန်းချီဆရာ တစ်ဦး၏တပည့်ဖြစ်သဖြင့် စိတ်ဝင်စားစွာ ဖတ်ဖြစ်ခဲ့သည်။ ရေးဖော်ရေးဖက် ပန်းချီဆရာတွေ၏ ပန်းချီကားတွေအကြောင်း သူ့ဆောင်းပါးတွေမှာ ဖတ်ရသည်။ သူနှင့်အတူ ရွှေစက်တော် ပါလာသည့် ပခုက္ကူသား ပန်းချီဆရာ လှထွဏ်းအောင်၏ အလွမ်းဆိုတဲ့ လမ်းကလေး၊ သက္ကရာဇ်တစ်ခု၏ အကြွင်းအကျန်များ၊ ငှက်ဝါက လေးရဲ့ရာဇဝင်၊ ပန်းကပြောတဲ့ပန်းပုံ ပြင် ပန်းချီကားများနှင့်ပတ်သက်ပြီး သူသုံးသပ်ပြသည်။ ရင့်ကျက်မှု အားနည်းသည်ဟု ဆိုချင်ဆို၊ စာပေအနုပညာသမားထဲ မှာ ကိုယ့်ဇာတိကဆိုလျှင် ခင်မင်သံ ယောဇဉ်ရှိတတ်သည့် အလေ့အကျင့် မျိုး မိမိမှာရှိသလို၊ သူ့မှာရှိတာလည်း သွားတွေ့သည်။ ဆရာကြီးရွှေဥဒေါင်း ပြောသည့် ရင်ဘတ်မိတ်ဆွေတွေထဲ က အောင်သန်းဦး(ရေနံ့သာ)ကို သူအတော် သံယောဇဉ် ရှိသည်။ သူငယ်ငယ်က ကဗျာရေးဖော် သူငယ်ချင်းများနှင့် စုပေါင်းထုတ်ဝေခဲ့သည့် နှင်းပွင့်လက်ဆောင် လက်ကမ်းစာစောင် (လက်ရေး)မှအစပြု၍ အောင်သန်းဦး (ရေနံ့သာ)နှင့် ရင်းနှီးခင်မင်သွားခဲ့သည်။ ဂျီတီအိုင် ကျောင်းသားဘဝနှင့် ပန်းချီဆွဲခဲ့သူကို အားပေးခဲ့သည်။ အောင်သန်းဦးနှင့် သူမှာ လူရင်းများ ဖြစ်လာခဲ့သည်။ ဆိုးတိုင်ပင်၊ ကောင်း တိုင်ပင်များဖြစ်လာခဲ့ကြသည်။ ဝါသနာတူများ ပူးပေါင်းကာ ပန်းလှိုင်းစာ ဖတ်သင်းကို ထူထောင်ဖြစ်ခဲ့ကြ၏။ စာဖတ်သင်းဆိုသော်လည်း ကျယ် ကျယ်ပြန့်ပြန့်မဟုတ်။ ပကာသနမရှိ။ စာရေးဆရာမင်းကျော် ပြောသည့် လွယ်အိတ်စာကြည့်တိုက် ပုံစံမျိုးဖြစ်သည်။ ဝါသနာတူသူငယ်ချင်းများ၏ စာအုပ်များကို အောင်သန်းဦး(ရေနံ့သာ)အိမ်တွင် စုထားပြီး အချင်းချင်း လဲဖတ်သည့်စနစ်ဖြစ်၏။ စာဖတ်သင်း၏ လှုပ်ရှားမှုအဖြစ် စာဆိုတော်နေ့ အထိမ်းအမှတ်ကဗျာ ရွတ်ပွဲ၊ စာပေဆွေးနွေးပွဲနှင့် လက်ရေးဂျာနယ်များ ထုတ်ဝေနိုင်ခဲ့ကြသည်။ ရေနံချောင်းမြို့နယ် ပန်းချီပြပွဲများတွင် ပြသသော သူ့ပန်းချီကားများနှင့် ပတ်သက်ပြီး တစ်ကားချင်းအပေါ် မှတ်ချက်ပေးသော အောင်သန်းဦး၏ ဝေဖန်ချက်များကို သူတလေးတစား ခံယူတတ်သည်။ အောင်သန်းဦး၏ ပုံတူပန်းချီကား တော်တော်များများကို သူရေးခဲ့ဖူးသည်။ ပညာလိုလားသူအဖို့ မြင်ဆရာသည် အားကိုးလောက်သည့် ဆရာများဖြစ်သည်။ သူအတုယူ ဆွဲခဲ့ရသော ပန်းချီဆရာများထဲတွင် ဆရာစံတိုး တစ်ယောက်အပါအဝင် ဖြစ်သည်။ ဆရာစံတိုးက သူ့ပန်းချီလက်ရာများကို နှစ်သက်အားပေးသည့်အခါတွင် သူပီတိဖြစ်ခဲ့ရသည်။ ပန်းချီဆရာ ကြီးများကန်တော့ပွဲတွင် သူလေးစား ခဲ့ရသော ဆရာကြီးများနှင့် မျက်နှာ ချင်းဆိုင်ထိုင်ရသည်ကို သူ့မှာအနေ ကြုံ့ခဲ့ရသည်။ ရွံ့နေခဲ့သည်။ သူကြည် ညိုလေးစားခဲ့ရသည့် ဆရာစံတိုးနှင့် ပတ်သက်ပြီး အလွမ်းစာတစ်ပုဒ်ရေး ခဲ့သေးသည်။ သူ့အလွမ်းစာကား တကယ်လွမ်းလောက်သည်။ သူ ကွယ်လွန်သည့် သတင်းနှင့်အတူ သူ့ အလွမ်းစာဆောင်းပါးမှာ ဈေးကွက် ဂျာနယ်မှာ တစ်လတည်းဖော်ပြပါရှိ ခဲ့သည်။ သရုပ်ဖော်ပန်းချီကို စာအုပ် တော်တော်များများမှာ သူရေးဖြစ် သည်။ စာရေးဆရာမသန်းမြင့်အောင်က 'သန်းမြင့်အောင်နှစ်ယောက်'ဟု စာတစ်ပုဒ်ရေးခဲ့ဖူးသည်။ အစောပိုင်း တွင် ကုမ္ပဏီအပ်ထည် ပန်းချီများကို လက်ခံရေးသားခဲ့သည်။ ပန်းချီရေး ရာပစ္စည်းတွေ လက်လှမ်းတမီရှိနေလျက် အနုပညာကုန်ချော မထုတ်နိုင်သော သူ့ကို သူငယ်ချင်းကိုတောက်က အားမလို အားမရ ဖြစ်ခဲ့သည်။ ''သူများရေးတဲ့ ပြပွဲပန်းချီကားတွေ မြင်တိုင်း မင်းကိုဒေါသထွက်တယ်။ ငါ့သူငယ်ချင်းက ပန်းချီဆရာလို့ပြောပြီး မင်းက တစ်ကားမှမဆွဲတော့ ငါဘယ် လိုသွားပြောရမလဲ''ဟု ကရုဏာ ဒေါသဖြင့် ပြောတာ ခံခဲ့ရသည်။ သို့နှင့် ၁၉၉၆ ခု ပန်းချီပြပွဲတွင် ကျေးလက် မှမိန်းကလေးများ။ ထမင်းပို့သူ စသည့် ဆီဆေးကားများ ရေးဆွဲပြသ ဖြစ်ခဲ့သည်။ ကျေးလက်မိန်းကလေးများ ပန်းချီးကားမှာ ယိုးဒယား ဓာတ်ပုံကို မြန်မာမှုပြုကာ ဥာဏ်ကွန့်ထားကြောင်း သူကဝန်ခံခဲ့သည်။

ပန်းချီမောင်လှိုင်(ကာတွန်းရွှေ မင်းသား)တာဝန်ခံ စီစဉ်သောပြပွဲ-၁၉၉၇တွင် ရေဆေးပန်းချီကားများ ရေးဆွဲပြသဖြစ်ခဲ့သည်။ သံလျင်ဝန်းကျင်က ရိုက်ကူးလာသော ဓာတ်ပုံကို အေးရိပ်ငြိမ် အမည်ဖြင့် ပြောင်းလဲဖန် တီးခဲ့သည်။ သူနှင့်တစ်ရပ်တည်းသား အစ်ကိုကြီး နီတွတ်(နှုတ်ခမ်းမွေး)၏ ရွှေစက်တော် သောင်ပြင်နှင့် ချောင်းအလှ(အဖြူအမည်း)ကို ရောင်စုံတင်ကာ အလှခြယ်ပြခဲ့သည်။ ရွှေတိဂုံ ဘုရားဈေးတစ်နေရာကို အရုပ်ဆိုင် အမည်ဖြင့်ပုံဖော်ခဲ့သည်။ ဤပြပွဲမှာ သူ့ဘဝအတွက် အမှတ်တရ ဖြစ်ခဲ့သည်။ သူ့ပန်းချီကားတွေကို ရေနံချောင်းမှ သူ့ကျေးဇူးရှင်ဘခင်ကြီး ဦးခင်ညွန့် လာကြည့်ပြီး အံ့သြဝမ်းသာကြည်နူးမှု ပေါက်ဖွားစေခဲ့သည်။ ''အဖေ့ကို ကြည်နူးစေခဲ့သည့် ပန်းချီကားများ'' ဆောင်းပါးသည် ဘခင်ထံမှ ကူးစက်လာသော ကြည်နူးမှုကို ဖော်ကျူးသည့် ဥဒါန်းစကားပင် ဖြစ်သည်။ ကိုယ်တိုင် ပန်းချီမရေး ဖြစ်သော်လည်း သားဖြစ်သူကို အလိုလိုက် အားပေးခဲ့သော သူ့ဖခင်၏ စိတ်ဓာတ်ကို နားမလည်နိုင်ဘဲ မေးခွန်းထုတ်ခဲ့ဖူးသည်။ ''ငါငယ်ငယ်တုန်းက ပန်းချီဝါသနာ ပါခဲ့တယ်။ အဖေတို့က မွဲဆေးဖော်တယ်ဆိုပြီး လက်ဆစ်ရိုက်ပြီး တားမြစ်ခံခဲ့ရတယ်။ အဖေဖြစ်လာတော့ သားကိုကိုယ့်လို မခံစားစေချင်လို့''ဟု ပွင့်အန်လာသည်။ သားကိုနားလည် ပေးတတ်သော ဖခင်၏ သားဖြစ်ရသည်မှာ သူ့အကျိုးပေးဟု ဆိုရမည် ထင်သည်။

သန်းမြင့်အောင်၏ ဘဝကို နှစ်လွှာစပ်ထားသည်ကို တွေ့ရမည်။ သန်းမြင့်အောင် အမည်ဖြင့် စုတ်ကိုင်ဆေးတို့၊ ပန်းချီခြယ်။ ကိုသီအောင်က ဆောင်းပါး၊ သင်းဝေအောင်က ကဗျာဆရာ။ ကိုသီအောင် အမည်ဖြင့် ရေးသည့် အခန်းဆက် ဆောင်းပါးကို ပင်တိုင်ကဏ္ဍ အနေဖြင့် ပန်းချီဝင်္ကပါဟု အမည်ပေးထားပါသည်။ ဆရာ ကြီးမောင်(ငွေဥဒေါင်း)၏ စာဝင်္ကပါကို အားကျအတုယူ လေသလား မပြောတတ်ပါ။ ဝင်္ကပါဆိုတော့ ဟိုကနေ သည်ရောက်။ ရောက်တတ်ရာရာ လွတ်လွတ်လပ်လပ် ရေးလို့ရသည်။ သူ့သက်တမ်းနှင့်စာလျှင် စာပေအနုပညာ အလုပ်တွေ မနားတမ်းလုပ်နိုင် သူဟုဆိုရမည်ထင်သည်။ မေမြို့မိုးကြည် အယ်ဒီတာချုပ်အဖြစ် တာဝန်ယူသော ဘာသာသွေးမဂ္ဂဇင်းတွင် စာတည်းအဖွဲ့ဝင်အဖြစ် ကောင်းကျော်(စီးပွားရေး)၊ စိုးစိုးဝင်း(မဟာ ဝိဇ္ဇာ)တို့နှင့်တွဲ၍ တာဝန်ယူခဲ့သည်။ မေရဲ့ပန်းပွင့် သို့မဟုတ် ကမ်းပါးပေါ်က ကျွံကျသွားသော နာဂစ်နေ့၊ နာဂစ်ည၊ နာဂစ်အလွန်ခံစားမှု ကဗျာများနှင့် နာဂစ်ခံစားမှု ပန်းချီကားများကို ကိုရွေး၊ အံ့ဘွယ်ဇင်တို့နှင့် တွဲ၍ စီစဉ်သူအဖြစ် ဆောင်ရွက်ခဲ့သေးသည်။

မြန်မာမှုနယ်ပယ်တွင် လျှောမွေးကို ဗရာဏသီချဲ့ဟူသော စကားရှိပါသည်။ ဤအဆို၊ ဤစကားကို သန်းမြင့်အောင်က ယဉ်ယဉ်ကျေး ကျေး ညင်ညင်သာသာငြင်းပယ်ခဲ့ပါ သည်။ သူ့ဇနီးခင်၏သားအိမ်တွင် နေရာယူရမည့်အစား နေရာမှားကာ နေရာယူခဲ့သည်။ ရက်သားအလွန် လသားအရွယ် သန္ဓေသား။ သားကောင်းထက် သားဆိုးက မွေးရခက်တယ်ဟု ရှေးကကိုယ်ဝန်ဆောင် မိန်းမတွေ ကြောက်ခဲ့သော သားဆိုး ကလေး။ မသေကောင်း မပျောက် ကောင်း မိခင်အသက်ကိုပါ ဆွဲထုတ် သွားနိုင်သည့် သားဆိုးကလေး။ ဖခင် တစ်ယောက်၏ မေတ္တာနှလုံးသားနှင့် မုန်းလည်းမမုန်းတီးရက်၊ နာလည်း မနာကျည်းရက်ခဲ့။ အထည်ဒြပ်မပီ၊ ကျား-မ လိင်မပီသော သည်ကလေးကို'' လာပြီးမှ ပြန်သွားတယ်''ဟု နှမြောတသစွာ ကဗျာဖွဲ့ခဲ့သေးသည်။ ''ငြင်းပယ်ခဲ့တာ မဟုတ်သလို၊ စွန့်ပစ်ခဲ့တာ မဟုတ်ပါဘူး ကလေးရယ်၊ မင်းကိုယ်တိုင် နေရာလွဲခဲ့တယ်''ဟု ဖြေရှင်းချက်ပင် မတောင်းဘဲ ပေးနေလိုက်သေးသည်။ အနုပညာသမား နှလုံးသားနှင့် သန်းမြင့်အောင်။ ဗိမ္ဗိသာရလို လူစားမျိုး။

သန်းမြင့်အောင်သည် ရတနာ သုံးပါးကို ကြည်ညိုကိုင်းရှိုင်းသူ တစ်ဦး ဖြစ်သည်။ ရတနာသုံးပါးတွင် တရားတော်၏ ဂုဏ်တော်များအနက် ဧဟိပဿိက ဂုဏ်တော်ကို အတော် ကြည်ညိုပုံရသည်။ တရားတော်ကို နာကြားမှတ်သားရုံဖြင့် အားရကျေနပ် မှုမရှိဘဲ လက်တွေ့ကျင့်သုံးကြည်ညို ခဲ့သူဖြစ်သည်။ အသက်အရွယ်ငယ်ပင် ငယ်သော်လည်း တရားဓမ္မ၌ ပျော်မွေ့တတ်သူ၊ သူ့ကို ကျွန်တော်လေးစား ကြည်ညိုမိပါသည်။ ဆရာဆန်းလွင် (နောင်တွင် ရှင်အာဒိစ္စရံသီ)စီစဉ်သော မိုးကုတ်ဆရာတော် ဘုရားကြီး၏ ဝိပဿနာရှုနည်းလက်စွဲကျမ်းကို သူဖတ်ရှုနှစ်သက် သဘောကျခဲ့သည်။ ဤနည်းအတိုင်း လက်တွေ့တရား ထိုင်ခဲ့သည်။ သူ့အတွေ့အကြုံကို (စွန့်လွှတ်ခြင်း)အမည်ဖြင့် ဆောင်းပါး ရေးသားတင်ပြခဲ့သည်။ ဝတ်ကြောင်ကို လွတ်အောင်ရုန်းကာ တရားမွေ့ တော့မည်စိတ်ကူးအကြံအစည်နှင့် သူစုဆောင်းထားသော စာအုပ်တွေကိုစွန့် လွှတ်ခဲ့သည်။ 'ကမ္မဋ္ဌာနာစရိယ' မရှိ ဘဲ သူတစ်ဦးတည်းအားထုတ်ခြင်း ဖြစ်သဖြင့် သူ့နည်းမှန် မမှန်ကို စစ်ဆေးအကဲဖြတ်ပေးမည့်ဆရာလိုအပ် နေကြောင်းသတိထားမိသည်။

အသက်အရွယ်ငယ်ငယ်နှင့် အနုပညာနယ်ပယ်တွင် ဘဝကိုနှစ် မြှုပ်ကာ အကျိုးရှိရှိ အလုပ်လုပ်နိုင်သော သူ့ကို နှမြောနေမိပါသည်။ သူ့မိသားစု၊ မိတ်ရင်း၊ ဆွေရင်းဆိုလျှင် ပိုပြီးနှမြောမိ နေပေလိမ့်မည်။ လောကအတွက် အကျိုးပြုလုပ်ငန်းတွေ အများကြီးလုပ်နိုင်သေးသည့်အရွယ်။ လှေပြေးတုန်း တက်ကျိုးတာနှင့်တူ သည်။ မိမိနှင့်တွေ့ပြီးတစ်လကျော် အကြာ ၁၁-၅-၂ဝ၁၁ နေ့တွင် သန်းမြင့်အောင်တစ်ယောက် မိသားစု၊ စာပေအနုပညာလောကကို ကျောခိုင်း ထွက်ခွာသွားခဲ့ကြောင်း ဈေးကွက်ဂျာ နယ်-၆၆၅ တွင် မမျှော်လင့်ဘဲ ဖတ်လိုက်ရသည်။ သေခြင်းတရားသည် ကိုယ်ယောင်ဖျောက်နေရာမှ ရုတ်တရက် ကိုယ်ထင်ပြကာ သူ့ကိုဆွဲခေါ် သွားခဲ့သည်။

တကယ်ဆို သူ့လုပ်ငန်းတာဝန် တွေမပြီးတတ်သေး။ ဆေးမခြောက်သောပန်းချီ၊ မင်မခြောက်သေးသော စာတို့ရေးလက်စတန်းလန်း ရှိနေခဲ့ပါလိမ့်မည်။ လမ်းခုလတ်တွင် ကိုယ်လွတ်ရှောင်ခွာ ရုန်းခဲ့ပါ၍ အားနာခဲ့ကြောင်း ပြောပါလေဆိုတာလို သူ့နောက်ဆုံး နှုတ်ခွန်းဆက်စကားကို နားထဲမှာ ကြားယောင်နေမိပါသည်။
သန်းထွန်း(စကု)
source: http://www.zaygwet.com/literature.php?id=229